駱振偉帶丹麥老婆上飛鵝山慶生 鑽石黃金不及一片真心

駱振偉(Thor)2019年喺丹麥迎娶拍拖5年嘅丹麥女友Katrine Friis Olsen，婚後嫁夫隨夫，一齊定居香港。日前係Katrine嘅生日，雖然冇大肆慶祝，只係兩個人簡簡單單上飛鵝山飲茶，但已經好滿足，Thor喺社交網sweet爆留言：「其實快樂好簡單，Love You ?。」仲hashtag：「#鑽石與黃金唔及我一片真誠與真心」。

Thor話太太已變咗地道香港人，問佢生日想去邊，太太用Chinglish答：「想去flygoosemountain（飛鵝山）。」但現場冇燒賣蝦餃，真係沖茶飲，並應傳統買咗一個好好味嘅蛋糕，而太太亦好浪漫，自備咗蠟燭，而且天公造美，上到咁高都竟然唔係太大風，蠟燭順利燃點，營造超浪漫氣氛。

兩公婆當然有亦親暱嘅叫法，Thor自爆：「我老婆叫我做BEAR，我叫佢做Penguin，都唔記得由幾時開始?。佢話想買新嘅傢俬，所以我送咗個BearCash俾佢，禮物我仲自己包㗎。」佢哋各自幫對方影咗張單人照，Thor幫太太影埋無敵港景，而Thor就得番大頭樣，Thor笑話：「我問佢點解可以爭咁遠，佢答返我生日大哂！fine健健康康、快快樂樂，快啲通關等佢唔使思鄉。」