樂迷不滿叱咤賽果冇跟播放率　Jay Fung失獎︰話無失望係呃緊你哋

《叱咤樂壇流行榜頒獎典禮2024》昨晚（1/1）於亞博順利舉行，一如以往成功締造多個難忘畫面，而陳卓賢（Ian）一人獨攬唱作人金獎、男歌手金獎及至尊大碟三大獎項，成就個人紀錄。不過賽果就令有樂迷公開播放率資料，指統計過全年播放率，力證馮允謙（Jay Fung）是遙遙領先，陳卓賢只排第二，明顯到頒獎時作臨時改動，令樂迷不滿。

其實一早有樂迷在頒獎禮前夕公開預測，Jay Fung在2024年派了6首歌上台，同屬《EMO》這張專輯，而Ian就有5首歌來自《Interlude》，總成績分別是489及421，按理Jay Fung可摘下至尊歌曲、至尊大碟、唱作人金獎及男歌手金獎四金，平林家謙於2022年度創下的紀錄，但結果就殺出Ian摘下其中三個，令樂迷表示不滿，留言指︰「你唔跟播放率派你早講啦，最後大家冇咁失望。」更有樂迷要求903出來解畫。

其實不單止樂迷失望，連當事人Jay Fung事後接受傳媒訪問，都直言話唔失望係呃你。「如果我話無失望係呃緊你哋，所以拎獎係隨緣。都替Ian高興，佢都寫好多歌，佢都有自己演唱會，呢年又有巡迴，所以戥佢高興。我唯有出年再努力啦。」

除了Jay Fung這宗懸案，有網民亦在討論區發文表示昨晚叱咤「創造」了一個史上第一次，就是男歌手（陳卓賢）、女歌手（Gin Lee）、組合（Dear Jane）金獎，唱作人金獎（陳卓賢），以及我最喜愛的男歌手（姜濤）、女歌手（鄭秀文）及組合（MIRROR）得主，這7個個人最高榮譽的獎項得主，竟然都冇歌入到專業推介叱咤十大，質疑903以歌曲獎作豬肉獎，令人人有獎有得上台表演。