【獨媒報導】2016年旺角騷亂中被判7年監禁的盧建民今早刑滿出獄,並在親友陪同下,由塘福監獄去到東涌一間茶樓飲茶。戴上眼鏡、穿上西裝的他精神不錯,坦言仍不知道未來計劃,但就很想行山,「因為香港真係好X靚啊嘛」。他又借用電影《窄路微塵》主角窄哥的對白寄語港人:「就算世界幾X壞都好,你都唔好做衰人啊。」
獄中曾進修心理學 未知工作計劃
2018年5月,盧建民被高等法院陪審團裁定暴動罪成。同案兩名被告梁天琦、黃家駒其後被判監6年及3年半,盧則判刑最重,需入獄7年。他獲扣減刑期在今日刑滿,離開塘福監獄後,再到東涌與闊別4年8個月的親友相聚飲茶。
2016年的29歲青年,今年已過35歲,戴上眼鏡、穿上西裝的盧建民精神不錯,說話時語氣平靜。他坦言不知道未來計劃,「香港咁嘅環境之下有咩可以做啊?無處容身。」但他就指無計劃移民,至於工作方面就要看商家是否願意接受更生人士。
盧提到,在獄中讀了有關犯罪心理學的課程和懲教協助在囚人士就業的「餐飲班」,「其他(課程)都要頗大嘅資金,我哋啲窮人唔適合坐監,啲有錢人先適合坐監」。他又希望懲教署未來再引入更多課程協助囚友更生。
笑言行山癮大:香港真係好x靚
開設「影攝食 - 盧建民」專頁的他一向熱愛行山、攝影。他提起,當自己在塘福監獄時,一抬頭便是鳳凰山的連綿山脈,現時也很想呼吸山上空氣,「座座山都想行啊,條癮挑起咗,因為香港真係好X靚啊嘛」。他惋惜道,早兩天的晨霧包圍大山,「最衰自己唔係早幾日出冊啦,如果唔係好多嘢影啊」。不過,他隨即再說「唔緊要啦、無怨無悔啦⋯⋯呢四年零八個月都係一個好大嘅教訓」,又叮囑大萬事小心。
五年過去,盧建民承認2023年與自己想像的不同,「我以為香港會改變⋯⋯呢啲唔講啦」,嘆道自己無法評價入獄後發生的事,「對對錯錯,歷史自有公論」。
被問到想與香港人分享的說話,他借用電影《窄路微塵》中主角窄哥的一句對白稱:「就算世界幾X壞都好,你都唔好做衰人啊。」
版權: 禁止衍生
留言 68
Lam Chan
真係唔明…..點解一定要加個 X 落去嘅呢?好好哋一句(香港真係好靚)唔得嘅咩?加個粗口字會型啲嘅咩?我只覺得咁樣講嘢法好老土…..…..…..…..🥶🥶🥶🥶🥶
2023年01月19日05:37
地產路人甲
無處容身係佢自己有心搞事而諗出嚟㗎啫,正常人咪又係咁生活
2023年01月19日05:02
Ricardo
極其量你只係一個非常之冇腦嘅好人,冇智慧自以為是,同劈完人仲唔知自己响現實世界係一種負累,活响自己個壞腦嘅精神病人無異
2023年01月19日05:37
Brian
曱甴報旺角暴動寫成騷亂. 😂
2023年01月19日06:11
純情小炸雞 Toby
壞人就是壞人,人品差,都已經犯法坐監之後,仲亂叫
2023年01月19日05:29
顯示全部