藝人姜皓文與太太殷寧近日迎來銀婚紀念。25年的婚姻生活攜手走過高山低谷，兼且陪伴彼此成長，姜皓文坦言一直對太太心存感激，他更帶點內疚表示﹕「一年一年咁過得好快，我覺得自己其實冇乜時間陪太太及屋企人，大家亦冇乜機會真真正正咁坐低傾吓偈，所以嚟緊我好想放慢腳步，同佢一齊享受生活，總之要多謝太太咁多年以來嘅付出與包容。」
結婚周年的同時，原來近日姜皓文迎來58歲生日，與殷寧牛一日子亦相當接近，可謂三喜臨門，不過姜皓文坦言今天未有大肆慶祝：「因為太太好認真咁寫咗個劇本，亦獲得馬來西亞嘅製片人支持，所以我哋依家忙緊做前期工作，及與團隊開會，好努力咁將劇本拍成一部實體作品，呢個亦都係我哋兩老婆今年嘅結婚加生日禮物，真係好特別呀。」
東網網站 : https://on.cc/東網Facebook專頁 : https://www.facebook.com/onccnews/
留言 0