楊冪佳節唔陪個女　劉丹爆劉愷威中秋回港陪小糯米隊月餅

楊冪與劉愷威小糯米一直在香港生活，爺爺劉丹有孫萬事足，他昨日（17日）《愛．回家之開心速遞》中秋活動時，透露兒子劉愷威最近在香港，一家人會吃飯過節，同時表示孫女小糯米很喜歡吃月餅，但幸好有嫲嫲控制食量。

雖然中秋佳節丹爺要開工，但仍能來得及趕回家吃晚飯度佳節，他表示：「要開工，由朝到晚飯前，總之趕得切返屋企過節。（點同屋企人慶祝呢？）都係例牌喺屋企食啲應節嘅嘢，碌柚、棱角，但棱角好難買到。（有冇話有咩習俗？）我唔知，人哋過節食呢幾樣嘢我就食呢幾樣嘢。（劉愷威有冇喺香港一齊做節？）喺香港，（最近都喺香港？）係呀！所以我哋都係一家人一齊食餐飯。」暗示楊冪冇影。

中秋佳節除了一家人吃飯外，當然少不了吃月餅，他亦透露孫女小糥米很喜歡吃：「好在我老婆喺度控制住，如果唔係我諗屋企多多月餅都唔夠消耗，個個都鍾意食。（孫女鍾意食傳統還是冰皮比較新穎啲嘅月餅？）佢冇咩邊樣嘢鍾意食，佢總之有新鮮嘅月餅拎出嚟，佢就少少試吓，好食就食多舊，所以佢阿嫲控制住佢，唔好俾佢食咁多。」看起來小糯米都是吃貨。

東網網站 : https://on.cc/東網Facebook專頁 : https://www.facebook.com/onccnews/