唔少女生都希望可以有一個完美又夢幻嘅婚禮，好多新人都會選擇離開香港去外國影婚紗相，甚至係結婚。最近日本東京迪士尼新推出《美女與野獸》嘅「魔法玫瑰寫真」婚攝主題，鍾意迪士尼公主、想一完公主夢嘅女士們千祁唔可以錯過！新人們仲可以著住公主晚禮裙同王子燕尾服，喺迪士尼入面影靚相添！
圖片來源：Disney、IG@bellchip_wd、IG@wdw_dcl_kci 、IG@nm_ftw2020a、IG@pyon_ftw、IG@mame_duffy｜撰文：Sharon
夢幻唯美！每位女生都可以當公主！
相信擁有一個浪漫童話婚禮係每位女生嘅願望，仲要喺迪士尼中舉行「童話式婚禮」更加係女生們夢寐以求嘅夢想！日本東京迪士尼大使酒店全新推出《美女與野獸》「魔法玫瑰寫真」婚攝主題，新人就可以著住Bella嘅晚禮裙同王子燕尾服，搖身一變成電影中嘅公主同王子，喺充滿夢幻嘅童話世界入面影婚照！
除咗《美女與野獸》主題，各位情侶仲可以揀《灰姑娘城堡》主題拍攝。迪士尼亦提供「迪士尼大使酒店」玫瑰小堂、「東京迪士尼樂園酒店」內灰姑娘城堡同威尼斯風格的「東京迪士尼海洋酒店」畀各位新人舉辦婚禮！如果選擇《灰姑娘城堡》方案，新人就可以喺遊行車上，由樂隊開路，向樂園嘅客人揮手。
選擇咗威尼斯風格婚禮，新人們就可以乘搭「威尼斯貢多拉遊船」一同欣賞風景、留下美好嘅回憶！
教堂格調既高貴又優雅，仲有迪士尼人物陪伴，舉行童話般嘅婚禮。
灰姑娘城堡入面舉行婚禮好似入咗童話世界咁，城堡以粉色為主調，滿滿的少女心啊！
每套迪士尼婚禮服飾都超靚，最受歡迎一定係《美女與野獸》主題，冇諗過現實都可以做一位公主，舉行公主式嘅浪漫婚禮！你哋又最鍾意邊款婚禮服飾呢？
東京迪士尼新推出《美女與野獸》嘅「魔法玫瑰寫真」已經開放預訂、9月正式提供服務！預約咗嘅新人更可享婚禮拍攝前一晚嘅酒店住宿優惠同拍攝當日嘅化妝服務優惠！雖然而家因為疫情關係，少咗機會出國，但將來有結婚打算嘅朋友可以Bookmark定，等有機會搭飛機出國嘅時候，就可以同另一半一齊影翻一輯超靚嘅婚照，能夠喺迪士尼舉行婚禮絕對係結婚嘅夢幻首選！
【 INFO】
Enchanted Rose Photo
售價︰$662,000日元（約46,500港元）
方案內容：東京迪士尼內婚紗外拍20張、東京迪士尼大使飯店提供服裝（新郎220,000日幣，新娘330,000日幣）
方案特典：外拍前一晚5折飯店住宿優惠、拍攝當日化妝服務85折優惠
留言 0