雯雯認生得多唔負責任　繼續放負埋怨世界

藝人張致恒（Steven）同老婆雯雯結婚後育有四子，兩公婆一直都飽受金錢問題困擾，經常在社交網呻窮呻苦的雯雯，近日更是頻頻出Post放負，甚至在Steven40歲生日之際，還發文稱：「要死一齊死」，嚇壞不少人。

今日（13日）雯雯又連出兩個Post，激罕承認自己生咁多個是不負責任，但又希望大家能夠體諒她：「成日講人地邊個邊個可以一個照顧4個，你自己有冇試過？以前條街都冇咁多車，以前小朋友自己留係屋企都唔會比人告，依家小朋友有少少野都叫疏忽照顧要報警。我係好不負責任咁生左4個，但自問都已經盡力照顧緊。D人成日講同鬧，但又有幾多個人真正做到？你可以唔認同，你可以唔理解，但毋須要批評」。

隨後又繼續放負，埋怨世界：「世界好現實，你冇錢，等如你乜都唔係，你要求人借錢，你更加變得一文不值。我窮養唔起4個，更加代表我唔使生存。我努力過、盡力過，但既然過唔到，都無謂勉強。」

東網網站 : https://on.cc/東網Facebook專頁 : https://www.facebook.com/onccnews/