想搵靚景打卡，又冇乜budget去唔到旅行，不如還原基本步，嚟遊下公園先啦！
呢個公園真係打卡點滿滿，沿路都有令人忍唔住停低腳步嘅風景！
好似呢個一入門口就見到嘅「冬菇亭水幕」，可以行入去影相嫁！
夏天嚟，仲可以順便玩下水，涼爽下添！但記得要慢慢行，小心唔好跣親呀！
之後沿住步行徑向溫室行，會經過一條大瀑布～
由出面望入去，同入面望出去都一樣咁靚嫁！
之後就要入去溫室逛下喇！
呢度唔同時節，會有唔同品種花嘅主題展～
行入啲仲會有熱帶仙人掌園！
啲仙人掌好可愛，喺度打卡有另一番風味嫁～
不過呢個區域有少少熱，如果身體不適就唔好逗留太耐喇！
繼續行落去，就會行到熱帶森林～
呢度嘅花草樹木都好茂密，望到咁多綠色植物，對眼都精靈啲！
行行下，會見到林入面有條小瀑布，喺到打卡好靚，好似置身喺山林入面～
呢個公園有個好出名嘅大鳥籠！入面真係有好多唔同品種嘅雀仔嫁！
成個鳥籠入面嘅行人徑都係用木搭成，想影木橋就一定要入嚟喇，仲有機會打打下卡有雀仔朋友攝鏡添！
不過，為左個人衛生同健康著想，唔好接觸禽鳥嘅排泄物或者屍體，仲要勤洗手呀！
行出鳥籠，沿住步行徑行落去，就會去到彩虹遊樂場！
呢度簡直係帶小朋友嚟放電嘅天堂，因為呢度有個大沙池，而且有幾組唔同嘅玩樂設施～
最重要，係呢度嘅牆全部以彩虹主題設計，好色彩繽紛！順便幫小朋友影番一輯靚相就啱哂喇！
公園仲有好多打卡靚位，宜家就放低手機，嚟享受下大自然、花草樹木嘅洗禮啦！
不過近日蚊患嚴重，嚟遊園一定要做足防蚊操施，著淺色嘅長袖衫褲，噴蚊怕水或者貼蚊怕貼！
仲要準備定足夠嘅飲用清水，同埋適當嘅時候去陰涼嘅地方抖下，以防中暑呀！
《香港公園》
地址：香港中區紅棉路 19 號
開放時間：
公園（戶外設）（每日上午6時至晚上11時）
溫室 （每日上午9時至下午5時）
觀鳥園 （每日上午9時至下午5時）
備註：
兒童遊樂場於每星期一 上午 7時至下午 1時暫停開放，進行場地保養工作。
地圖：
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0