由倪嘉雯（Carmen）、黃嘉雯（Carmaney）及廖慧儀（Jessica）等主持的無綫飲食節目《美食新聞報道》，最近一集邀來吳浩康（Deep）擔任嘉賓。拍攝時Deep與主持到訪一間街坊海鮮菜館，他笑說︰「唱歌學生帶我嚟嘅，食過好食喎，之後帶老婆郭思琳嚟食，嗰時仲拍緊拖。」
席間Deep講到當上爸爸後，經常留意一件事︰「成日留意同行嘅人食嘢有冇滴到條褲，因為睇慣咗阿仔嘛。」他透露曾因未能如自己父親般稱職，頗為沮喪，最後學曉不去比較才變得開朗︰「係迫住你成長，但未必成長到，奇怪係成長唔到又過到關喎。」
Deep改到另一間潮州菜館拍攝，他解釋︰「細細個老竇帶我哋去好多地方食嘢。我哋海豐人，但香港無海豐嘢食，最近磅係食潮州嘢，呢間餐館食咗15年。」席間提到身兼多職，其中一個身份是部落格主，他自爆拍了不少囝囝「撑撑」的「黑材料」短片﹕「短短哋儲落佢扭計、發爛渣嘅片，第時佢結婚生仔，會喺佢老婆仔女面前播返出嚟。」
東網網站 : https://on.cc/東網Facebook專頁 : https://www.facebook.com/onccnews/
留言 0