前港姐鍾溥敏獲才子「徐緣」下跪求婚　曾被前徐太開名斥：拆散我的家

以女兒名字「徐緣」作筆名的徐俊文，，2019年前妻揭曾兩度出軌，戀上2009年落選港姐鍾溥敏（Mandy）。當時前徐太發文直斥：「Mandy Chung鍾溥敏搭上徐緣Vincent Tsui，拆散了我的家」。

「徐緣」於2019年被揭發出軌鍾溥敏後，宣佈棄用女兒的名字「徐緣」做筆名，改回真名徐俊文。鍾溥敏最初否認拍拖及做第三者，只知男方正辦離婚。

現年39歲的鍾溥敏於2009年參選香港小姐，並獲得最佳首飾演繹獎，曾於TVB和有線擔任主持、主播，並與「徐緣」一起擔任節目《沉悶偵探社》的主持。出軌事件發生近5年後，鍾溥敏宣佈男友在瑞士《愛的迫降》場景求婚成功。

鍾溥敏在社交平台分享多張與「徐緣」的照片，寫道：「就喺瑞士Iseltwald 布里恩茲湖邊呢條小橋，Vincent一身白馬王子造型指定動作求婚，地又濕又唔想阻住其他人，我聲震震秒回yes I do，全程只用1-2分鐘。一回頭有遊客拍手並送上祝福同埋相片，有位美女為拍低更美畫面，專程跑遠啲用大機影，至可以記錄到呢一個奇妙瞬間，真係好多謝佢，好幸運，好滿足。」

鍾溥敏表示：「V揀喺《愛的迫降》玄彬初遇孫藝珍嘅地方，最愛CP經典又浪漫嘅場景湧現眼前。V再深解，男女主角嘅性格南轅北轍，好似我倆咁大纜都扯唔埋，好多難關，好多妥協，非常多耐性同體諒 。計劃求婚日毛毛細雨，翌日我即興建議重遊，景觀截然不同，係「聖誕卡式白式小鎮」呀！幾時都話計劃追不上變化～多謝你想盡辦法令我開心。徐生果然多橋，非常難忘。」