無綫日前公布2022年周年報告，檢視過去一年的業務表現，今次報告共有216頁，內容除了2023年5大最高收視劇集外，仲有旗下藝人最近「排位」，今年公布藝人數目由去年168位藝人增至182位藝人，藝人簡介首頁更係大執位，新任首席一哥同一姐不再係去年「登頂」嘅陳豪同蔡思貝，而係視帝譚俊彥同陳煒！
今年周年報告首頁大執位，首行首位係譚俊彥、第二位係陳煒、第三陳展鵬，第四陳豪，3大視帝拱照陳煒，成為女藝人之首；去年首席花旦蔡思貝跌至第三行第三位。而曾經於去年現身第一頁嘅李佳芯、高海寧、黃翠如、洪永城、劉佩玥、周嘉洛、黃庭鋒和龔嘉欣，今年未有再於首頁出現，郭柏妍、馬貫東、蔣家旻、王敏奕、陳瀅、林夏薇、朱晨麗、戴祖儀和湯洛雯等人擠身第一頁。
東網網站 : https://on.cc/東網Facebook專頁 : https://www.facebook.com/onccnews/