戴祖儀背心熱褲證自己係跳唱材料　點知講錯「孟加拉效應」

無綫小花戴祖儀（Joey）於社交網上載短片，寫道：「團隊最近游說我唱跳，為咗強烈反對我示範咗次畀佢睇，睇完之後，佢爆笑完，覺得我更加應該唱跳，你哋覺得呢？」

片段中Joey拿起咪高峰，唱起女子組合Cookies經典快歌《心急人上》，邊跳邊唱的她雖然明顯氣喘、入唔到副歌再加上唱錯歌詞，但卻又充滿喜感，臨尾又將曼德拉效應講錯成孟加拉效應，令人捧腹大笑！加上一件緊身小背心及熱褲仔一條，凸顯豐滿上圍及一對逆天長腿，絕對挽回不少分數。

粉絲們固然相當受落，紛紛按讚畀心，有粉絲留言：「人哋跳舞係好睇，你跳舞係好笑」、「一於請走跳唱呢條路吧，肯定會令你事業更上一層樓」、「樂壇確實欠妳一個交代」、「喺邊度跌低就要喺邊度跌多次」、「加多幾分肉緊，加多幾分性感，應該有得紅」、「完美身材，神仙腳」、「有腰，有腿，厚Pad，唔開聲聽都覺得賞心悅目」、「搖喔，搖起來。」

東網網站 : https://on.cc/東網Facebook專頁 : https://www.facebook.com/onccnews/