蒲老蘭變男女子組「武術交流」　網民笑謔 : 國際化到有相撲手參加

網上瘋傳一段拍攝日期不詳的2分21秒街頭群毆影片，事發現場在中區近蘭桂坊的下亞厘畢道藝穗會對開燈位，兩批疑蒲完吧的男女疑因故爭執。片首見一名「重量級」胖漢疑先前被人打到趴街，他雙手護頭俯伏馬路，其身旁有數名大漢拳腳交加，期間多名男女出現爆粗互罵，雙方你一拳我一腳。

而相隔不遠處亦有另一「戰線」，片中可見一名穿黑吊帶裙女子扯起一名倒地金髮女子，揮右拳連擊兩下，再以雙手扯其頭髮猛力搖晃；由於有涉事男女一度衝出馬路，有駛經車輛恐被波及，司機均響按「護車」。

此時，執法人員接報到場，上前喝止吊帶裙女子停手，再步向己連拿利控制場面，並喝令其他涉事者「收聲，踎低」；期間胖漢負傷自行起身，穿回遺在路中的一隻鞋，亦有女子拾回跌在馬路中的手機，場面混亂。

現場「口水戰」未有平息，一名涉事男子步向己連拿利，一邊指罵大叫「佢哋撻朵喎，打我哋喎，打我兄弟喎」，另一大漢則反唇相稽「我有打過你咩？我無響過朵喎！」其中一名女子亦指「我無份喎！」男子推其背到欄杆，並呼喝「踎低啦妳！」其後人員帶部分人上行人路調查，片段亦告完結。

有網民睇片後注意力均落在被打至臥地的男子身上，笑謔「國際化到有相撲手參加嘅」、「似相撲手交流多啲」，另有人稱「睇完呢條片之後，突然間覺得自己好苗條」，有網民則着重兩女打鬥，稱「都係女子組嗰邊好睇啲，又扯頭髮又剩咁」，因事發地點在藝穗會外，有人笑言「武藝穗會」。

東網網站 : https://on.cc/東網Facebook專頁 : https://www.facebook.com/onccnews/