吳若希公審老公為女職員接送　「趷起條尾都知你會做咩」

吳若希（Jinny）與澳門富二代何兆鴻（Alex）於2017年結婚後，先後誕下一女一子，不過吳若希經常在社交平台公審老公，不少網民好奇為何一直不離婚。吳若希今日（7月9日）在IG story上載與老公的對話截圖，力斥老公為女員工接送。

吳若希於今日中午前上載與老公的對話截圖，她跟老公說：「好X Sweet呀，仲可以同人一齊搭地鐵返工！」Alex解釋要對方簽MPF，Jinny再說：「真係好大嘅原因呀，叫佢簽MPF，就要車人返工，又要陪人搭地鐵，好X Sweet呀，你唔好俾人影X到呀！」Alex反駁表示：「其實我真係已經好多嘢煩，我唔明點解我咁樣我都要比（俾）人鬧，我唔同你講鬧我都正常，我真係做嘢，我之前幾年做垃圾做唔到嘢又鬧，我而家做正經嘢都鬧！」

吳若希在對話截圖旁邊寫道：「其實呢，女人人呢係好敏感嘅，你趷起條尾，都已經知你會做咩㗎！今朝何生好積極咁話要車同事返工，俾我話完之後，好有骨氣地講，連車都唔揸自己搭地鐵。我又唔知點解，突然間覺得佢應該係搭地鐵搵佢公司同事，我CHOK完佢第一句，佢又真係答我係WOR，即係，我自己都有公司，都有幫人哋供MPF，我依家先知原來MPF需要老闆親自攞文件俾員工簽！男人呢～就好得意嘅，身有屎嗰陣呢，就會話自己已經好多嘢煩，怪返女人唔體諒佢！」

之後吳若希再以黑底白字寫道：「作為太太，要提就提左GA LA！佢選擇尊重你，定係選擇無視你，係佢嘅決定。有啲人會忍，有啲人會嘈，我呢，同呢個人相處咗八年，太清楚佢咁嘅回答係代表咩！所以呢講埋今次，之後大家喺條街度見到佢同第二條一齊唔好大驚小怪，因為佢都係做嘢嘅啫！」

吳若希再貼出與另一人的對話截圖，她問對方：「想八卦吓依家咩情況？係咪需要Alex親自走去搵個員工簽返名今日之内要俾你？」對方回覆：「唔係呀 我同佢溝通咗 我聽日下午會去葵涌公司搵佢員工簽名呀」Jinny再回覆：「? 但係佢今朝已經去咗佢員工屋企搵佢簽名喎，因為佢話要趕做銀行嘢」。吳若希在對話截圖旁邊寫道：「頭先諗諗吓，唔應該誤會人哋個AGENT，可能人哋個AGENT已好努力」、「BTW，大家都唔好誤會何生 佢女同事喺啟德 我哋住喺何文田 又真係好近嘅~何生呢種反向思維，好忙但係唔想麻煩到個AGENT 要親自去搵女同事 而唔係直接返公司等女同事返工 都情有可原嘅」。

吳若希另外貼出一名保險經理的卡片，表示對方「親力親為，唔需要客戶來走走去」。之後再補上另一帖文，寫道：「對唔住，頭先令到大家有誤會。呢個AGENT非常好，亦都唔係何現時所用緊嘅AGENT~ 純粹介紹」。而差不多同樣時間，Jinny出post上載新歌，寫道：「散聚有時 愛恨有時 發夢到此世界來到盡處#空白 #新歌宣傳 #唔好過分解讀」。