洪嘉豪讚新歌MV女主角Hailey Ko　「演活世界末日生存嘅女仔」

洪嘉豪近日推出新歌《只要你不尷尬》，他在MV中飾演有無限復活技能的人，為了向心儀女生表白，不惜一次又一次在喪屍世界裡冒死拯救她，可惜在嘉豪成功拯救她後，準備獻花表白時女主角卻一時受驚一手推開他。MV中的嘉豪頓覺尷尬非常，最後決定自行 「end game」，並在記事本上的花束打上交叉提醒自己下次復活要避免。

今次MV請來Hailey Ko擔任女主角，嘉豪說：「我同公司一致認為Hailey Ko非常適合，因為佢好演活到嗰種即使世界末日、被喪屍包圍都可以生存到嘅女仔。不過今次嘅MV相對上女主角嘅戲份比較少，主要都係睇靚仔，即係我！哈哈。」

嘉豪表示今次是拍MV最辛苦的一次，因為足足拍了逾24個鐘，「收工嗰一吓我自己都覺得我有喪屍feel，真係辛苦晒一班工作人員，特別係扮演喪屍嘅朋友，化住個喪屍妝咁耐，落妝都有排落，真係好辛苦㗎。大家快啲睇多幾次支持吓！」

女主角Hailey Ko在社交平台分享MV拍攝照片，寫道：「有幸參與 @hungkaho 既（嘅）巔峰之作，9月最期待又最好玩既（嘅）工作，希望大家睇得開心。」

Hailey Ko在公開社交平台帳戶於2021年1月才開設，網上亦沒有太多她的資料。Hailey去年於理工大學畢業，曾在海洋公司水上樂園的廣告中亮相。從社交平台的照片可見，Hailey對保養得宜的身材毫不吝嗇，不時貼出泳衣照和貼身服飾。