黃子華《破‧地獄》澳門封影帝　「嚟澳門係冇贏過，終於贏一次」

英皇電影《破·地獄》由陳茂賢執導兼親自執筆，電影由黃子華、許冠文（Michael）、衛詩雅（Michelle）、朱栢康及周家怡領銜主演，截至昨日晚上，港澳累積票房跨越1 億5千2百萬。而年底影壇壓軸盛事《第16屆澳門國際電影節》，昨晚(30/12)於澳門威尼斯人渡假村舉行，《破·地獄》團隊便一口氣摘下最佳導演、最佳男主角及女主角三個大獎。

憑《破·地獄》道生一角封澳門影帝的黃子華於台上發表得獎感言：「多謝《破·地獄》所有組員，包括導演陳茂賢有勇氣去拍呢個題材，比佢更有勇氣嘅唔少得老闆楊受成博士投資一部咁冷門題材嘅戲。跟住我要多謝自己咁有勇氣嚟澳門，因為我嚟澳門係冇贏過，由細到大，終於贏一次，多謝大家。」

而衛詩雅 Michelle繼亞太影后後，一個月內再封影后，Michelle於台上大方致辭：「我係演員衛詩雅，多謝澳門國際電影節，多謝英皇電影、英皇娛樂，多謝楊受成博士、Mani、Shirley、Carol、邵劍秋先生同丘漢雄先生，多謝英皇嘅家人們，仲有《破·地獄》嘅團隊，編劇鄭緯機、監製陳升仁、攝影指導潘耀明，服裝指導利碧君、同埋各個部門。最緊要多謝喜歡《破·地獄》呢部電影嘅觀眾們，我哋部電影仲上映緊，希望大家可以支持。多謝香港電影！」

此外，導演陳茂賢榮獲最佳導演，陳茂賢透露電影經歷艱難之下完成，他說：「多謝澳門國際電影節支持《破·地獄》、多謝楊受成博士願意支持一個咁冷門嘅題材，多謝監製邵劍秋先生同埋丘漢雄先生，多謝黃子華、許冠文、衛詩雅、朱栢康、周家怡。多謝一眾台前幕後包括編劇鄭緯機。呢部戲喺好艱難嘅情況之下順利拍攝，電影仍然喺全國上映緊，希望大家支持。多謝每一位喜歡呢部電影嘅朋友！」

至於陳家樂相隔九年於澳門國際電影節再奪最佳男配角，憑電影《紥職3》擊敗《默殺》吳鎮宇等對手勇奪獎項。家樂於領獎時不忘感謝妻子連詩雅，更深情放閃：「喺我全程投入工作嘅時候，Shiga幫我照顧家庭，令我冇後顧之憂。」