陳妍希陳曉疑中離婚咒　揭已有3對藝人中招離異

台灣女星陳妍希近日遭瘋傳同內地男神陳曉離婚，更連陳曉去年年底提出離婚、自願「淨身出戶」等條件都知道，講到似層層咁，不過當事人仲係潛水冇聲氣，未知消息真偽。自從陳妍希、陳曉婚變新聞炸開後，網友就發現內地一本時尚雜誌曾拍過5對銀色夫妻做封面人物，當中已有3對夫妻正式離婚！

至目前為止，趙麗穎馮紹峰、周迅高聖遠、董子健孫怡呢3對都已經公開離婚，陳妍希陳曉以及吳奇隆劉詩詩呢2對就屢傳離婚，加上目前雙陳婚變新聞正傳得咁緊要，點估到咁巧合嘅事都有，消息即網友被指邪門，暗寸呢本雜誌有「離婚魔咒」，有網友同時喊話「吳奇隆劉詩詩可千萬要撐住」！

雖然陳妍希喺事件後潛水冇回應，不過今日（21日）佢就同小鮮肉男星周柯宇為新劇《狙擊蝴蝶》開鏡，更被網友大讚二人有身高差，睇好「姊弟戀」CP。

東網網站 : https://on.cc/東網Facebook專頁 : https://www.facebook.com/onccnews/