林家謙日前出席昂坪360多啦A夢展覽活動，自爆是這套動畫Fans！除出席活動外，他被邀拍廣告，並重現「大雄」造型，與鄭子誠飾演父子：「呢條片又唔係扮大雄嘅，係講我同鄭子誠前輩嘅父子情，成個感覺都好溫馨，今次係我哋第一次合作，感受到對方嘅專業，學下乜嘢叫『演技』。」
自細就是卡通迷，林家謙經常在家唱兒歌：「入行後我未試過唱兒歌，睇怕都未必有呢個Market，我都冇Tyson Yoshi咁受學生『歡迎』，不過如果邊個咁大膽搵我，我都想試下嘅。我都想試做電影配音，不過唔知可以聲演乜嘢角色，超級英雄就肯定冇我份，我把聲都唔夠霸氣。」
鄭子誠讚林家謙專業，又搞笑稱是他的粉絲：「佢唱歌點會似胖虎啊？我都好欣賞佢嘅歌，佢係好有才華同個人風格嘅唱作歌手！今次拍攝我話畀人知會同佢合作，不知有幾多姨姨羨慕，仲話想跟埋嚟見佢添，你就知佢幾咁受歡迎！」
（即時娛樂）
留言 0