麥明詩晒老公機師Look　網友寸「惡心」佢咁回應..

「十優港姐」麥明詩（Louisa）同機師老公盛勁為（Keith）3月正式完婚，擺足3場嘅「勁甜蜜」婚禮，更係令全港市民印象深刻。而今日適逢5月1日勞動節，但身為機師嘅盛勁為就要開工飛美國，作為賢妻嘅麥明詩亦親自送老公去機場開工，並喺晒出老婆視角嘅靚仔相道：「飛行員老公勞動節去勞動，早去早回呀！」雖然只係簡簡單單幾隻字，不過就認真閃到盲呀！

而着上機師制服嘅盛勁為，帥氣英姿亦引嚟唔少網友留言激讚佢似足小說中嘅主角一樣：「型英帥！」、「型到不得了！」、「還以為《衝上雲霄》劇照！」；不過亦有網友留言道：「好多crew都唔會着制服影相，大家都會覺得好惡心。」對此，麥明詩亦親自回應道：「所以他樣子很無奈。」

東網網站 : https://on.cc/東網Facebook專頁 : https://www.facebook.com/onccnews/