官恩娜被質疑美顏過度　同網民開戰：畀人冤枉呀！

藝人官恩娜（Ella）懶理家族爭產案，未有出席聆訊嘅佢去咗蒙古旅行，佢於社交網中晒一條在蒙古體驗穿傳統服飾嘅片，但係有網民就質疑佢過度使用美顏濾鏡，令佢大為震怒，即刻同該網民正面交戰，出Post貼上該網民嘅留言截圖，大感委屈表示：「畀人冤枉用美顏，要搵包青天幫我主持公道！」

其實該影片嘅色調如畫質都可以睇出係用手機影嘅，佢喺片中郁動嗰陣，個樣子都冇出現扭曲變形，樣貌望落好自然，睇嚟佢呢次真係冤枉呀！

東網網站 : https://on.cc/東網Facebook專頁 : https://www.facebook.com/onccnews/