預祝新年快樂！你有冇機會發個新年財，夢想中金多寶，可以開個大好年呢？快來直覺塔羅占卜大好「錢途」。
請閉目冥想令你放鬆的畫面，並默念問題：「我會發新年財嗎？」然後張開眼憑第一眼直覺選取以下最有感應的圖案：
圖一
恭喜發財！你得到財神眷顧，新年財運亨通，容易有意外之財，你要把握大好運勢主動出擊去爭取搵錢機會，收穫比預期更加理想。不過凡事適可而止，小玩怡情，攞個意頭開心過年！
圖二
你本身個人財運一般幸好有貴人扶持指點你財路，要多擴濶生活圈子，有時真係識人好過識字，最適合合夥投資，或多請教勁人過你兩招，亦可緊跟身邊最旺的那位，他買你買，希望突圍而出賺個盤滿缽滿！
圖三
蛇年一開你有望轉運，財運相當不俗，時運高手風順，不妨湊個熱鬧大家開心耍樂碰個運氣，不過同時你花費多多，小心賺得快也使得易，財來又財去，新一年要認真學習理財量入為出。
圖四
今個新年財運稍遜，難有驚喜回報，容易買大開細，要小心睇路，盡量保守謹慎，以免招致無謂損失，別貪心想不勞而獲，還是腳踏實地搵錢，相信一分耕耘自有一分收穫，要保持士氣努力加油！
圖五
新年財運有點時好時壞，今日賺明日蝕，A項目獲利B項目損手，所以忙來忙去結果打和，所以見好就收，小心貪勝不知輸，另外年關前大時大節更要保管好財物。
利時神婆Gladys
9歲迷上塔羅牌，1999年開設利時占卜店，愛占卜占星水晶，更愛人愛狗愛生活。
FB@tarot.hk