內地女星吳謹言去年9月官宣跟演員洪堯結婚後，疑奉子成婚，早前個肚已經籮咁大，不過最近忽然有傳佢已經誕B，近日更有網友撞到佢兩個齊齊公園散步，雖然只係影到兩人背影，不過見夫妻二人手拖手散步，歲月靜好，「#偶遇吳謹言洪堯公園散步#」話題直奔熱搜三甲。有粉絲就留言指，早前洪堯被拍得喺車箱吸煙，吳謹言就正正坐佢身旁，因而被指大肚都要吸老公二手煙，如今被拍得對老婆照顧有加，粉絲都放心晒。
另外，吳謹言老闆于正亦就相關問題發聲，回應網友指吳謹言12月新劇煞拜後，就會休息一個月左右，之後已為佢安排咗3月開拍另一套新劇，吳謹言疑似一生完就立即復工，唔少網友就留言指時間可能唔夠女神坐月，擔心吳謹言身體係咪可以恢復得好。
東網網站 : https://on.cc/東網Facebook專頁 : https://www.facebook.com/onccnews/
留言 0