張致恒開唱宣傳相P到唔認得　遭揶揄爆粗反擊：課你老X

藝人張致恒同太太區燕雯（雯雯）婚後育有4子，雖然平時都有努力打工搵食，然而仍長年陷入經濟困境，太太更不時喺社交網呻窮、嗌離婚，令佢哋分別被網友封為「炒散界KOL」及「離婚界KOL」。而日前（25日）張致恒喺社交網晒出一張宣傳相，原來佢被邀請去酒吧做倒數派對嘅特別嘉賓，引嚟唔少網友祝賀「重操歌手舊業」。網友戥佢有工開開心之餘，更有網友認為宣傳相將張致恒P到冇人認得：「今次唔減減肥唔得啦？」更有人指是AI生成。對此張致恒亦認同道：「大X鑊。」

另外，有網民見到宣傳圖片直指他：「可以有錢課金了！」皆因早前有指他迷上打機，有錢課金但沒錢開飯，為此張致恒見留言即爆Seed回應：「課你老X。」

東網網站 : https://on.cc/東網Facebook專頁 : https://www.facebook.com/onccnews/