新一代無綫咪神勁「胸」湧　波波行內衣騷冇底線？

憑無綫節目《#後生仔傾吓偈》上位的主持黃凱儀（波波）在兩位經理人陪同下，為內衣騷站台，盡騷36E好身材，非常「胸」湧澎湃，升呢新一代無綫咪神！她一再強調今次是健康地性感：「平日我喺社交網衣着都比較保守，今次係第1次。（好好酬勞？以後會唔會做多啲？有冇底線？）酬勞唔知，睇公司安排啦，我冇say。（吓？）咁都可以商量吓嘅，尊重公司意見，好似今日咁舒服就OK。（安排你走性感路線展示你嘅長處？）我仲有好多長處，好似溜冰同風水命理咁，後者我學緊，希望遲啲有機會幫大家睇。」

談到有沒有問《#後生仔》拍檔馮盈盈請教行騷秘訣，波波靦覥指近日比較少見面：「我有問健身教練意見，點樣操弗啲。（最唔滿意自己身材邊部分？）矮，希望仲有得高，想高多10cm。（仲有？你幾多歲？仲未發育完？）23歲，我充滿正能量，不過可能係自己幻想啫。」

東網網站 : https://on.cc/

東網Facebook專頁 : https://www.facebook.com/onccnews/