日前，喺上海電視節憑《不完美受害人》爆冷奪視后嘅周迅，因戴老花眼鏡上台領獎掀起熱議，不過向來我行我素嘅佢，仍懶理負評僅以體驗角色為由回應；然而，隨着事件持續發酵，近日亦有網友喺社交網晒出頒獎禮後周訊離場時嘅片段，只見被工作人員保護離場嘅佢，雖然有向粉絲笑住揮手打招呼，但當其中一位粉絲衝上前強行要簽名時，就被周迅無視兼兜路，顯眼嘅舉動亦引嚟唔少網友熱議。而對於兜路避簽名嘅行為，有網友認為周迅耍大牌外，亦有網友解釋道該名狂迷冇禮貌：「感覺都要上手摸周迅了！」嚇到周迅面青離場。
東網網站 : https://on.cc/東網Facebook專頁 : https://www.facebook.com/onccnews/
留言 0