歐倩怡離婚後首開腔　曾半夜急病失禁枕邊人：咪玩啦瞓覺

歐倩怡與郭晉安結婚18年，一向被視為圈中模範夫婦，上月初突然在社交平台宣布離婚，震驚外界。歐倩怡自離婚消息公開後，近日首度現身網上節目接受訪問，不止全程表現活潑，更大方分享開始玩交友app，回復單身後狀態非常好。

現年44歲的歐倩怡2006年與年長15歲的郭晉安結婚後，就離開幕前專心照顧家庭，因為親自接送一對仔女，最高峰期一日來回西貢及九龍8次。歐倩怡近年重返校園，接連獲得兩個學士學位及營養學理學碩士學位，轉行做營養師之餘，亦希望復出幕前。她近日現身楊詩敏（蝦頭）和連詩雅（Shiga）主持的網上節目《絲打圍爐》，透露一直興趣多多，除了營養師學位，趁小朋友返學考了船牌及打鼓五級證書，未來更有意考飛機牌及瑜伽導師牌等，相當好學。

歐倩怡回復單身後積極展開新生活，在節上自爆最近開始開交友app，因為學歷太勁嚇親男士們，所以自我介紹欄會盡量寫得簡單一點，又表示發現喜歡運動的女士更受歡迎，又透露有與男士聊天約會，不過只屬實驗性質，她表示自己16歲就入行，身邊都是娛樂圈中人，近年開始工作才接觸社會，學習處理人際關係。

歐倩怡在節目中提到，共試過有6個男生因為啱傾而相約見面，大方分享不同約會經歷，不過被問到是否想再拍拖，她坦言持開放心態：「冇所謂㗎，有啲可能七老八十先至遇到真愛先至一齊，我諗呢個世代真係冇所嘢，緣份嘅嘢擋唔住，走又挽留唔到，人生就係咁㗎啦，離離合合，來來去去，生老病死，就是這樣。」歐倩怡透露因為40歲一次患上重感冒，凌晨深夜醒來驚覺左手中指突然像觸電般，更呼吸困難，她向枕邊人求救，對方最初回應：「咪玩啦，瞓覺。」之後驚覺事態嚴重，才上網找到用片糖煮熱水的方法，但即使歐倩怡一度嚴重到失禁，全晚亦未叫救護車，連一旁的蝦頭都大表驚訝。歐倩怡補充當下擔心人生走到盡頭，後來睇醫生發現身體各處發炎，須頻頻食藥，才啟發她意識到要享受人生，改變對生命的看法。