型男劉俊謙快閃首爾三日兩夜，除獲運動品牌邀請參加體能活動外，還單拖連走5場為在當地上映的電影《九龍城寨之圍城》宣傳。雖然行程匆匆，但非常充實，他還快學了幾句簡單韓文傍身。
當阿謙現身戲院即大受歡迎，更有粉絲由香港追到首爾捧場，他自爆其角色演繹由阿爾帕仙奴的經典作品《教父》得來，回憶Casting時說：「導演要我去演繹《教父》中的兩場戲，當時心想無端端做咩畀《教父》嘅劇本我？同呢部戲有咩關係？我演咗兩段教父中嘅戲份，一段係阿爾柏仙奴喺婚禮上同一個女人嘅對話。另一段係同佢啲兄弟講關於家族嘅事，我大概背好後就去Casting，但去到又好好玩，因為不只casting咁簡單，導演不斷要求我作唔同嘅演繹方法，雖然唔知到底要演咩故事，但感覺好輕鬆咁喺度排戲，好享受呢個過程，最後好感恩得到『信一』呢個角色。」
東網網站 : https://on.cc/東網Facebook專頁 : https://www.facebook.com/onccnews/
留言 0