台灣啦啦隊女神林襄，有着E Cup傲人身材及甜美靚樣嘅佢，人氣高踞不下嘅同時，更紅遍亞洲地區，日前更為咗支持世界12強棒球比賽台灣隊嘅佢，更漏夜趕往東京巨蛋應援，熾熱嘅「棒球魂」令佢人氣再創高峰。近日，喺日本社交網更瘋傳一段林襄喺球場嘅片段，只見佢先係用遮掩整理表情，轉頭發現有人偷拍緊時，竟然露出一副可愛度爆燈嘅笑容，迷人電眼令人冧到迷失之際，林襄突然開始無形象扮鬼臉，先係鬥雞伸脷後，再接連扮出兩個鬼臉，最後更對鏡頭挑眉，前後反差極大嘅影片，引嚟唔少網友留言道：「最後挑眉那一下好可愛！」、「扮鬼臉那瞬間，我覺得我被圈粉了！」、「重播好多次，這影片有毒吧，太可愛了！」、「最後一秒的鬼臉真的猝不及防，超好笑，超級可愛！」、「幾秒鐘的影片看了一上午，精神時光屋。」
東網網站 : https://on.cc/東網Facebook專頁 : https://www.facebook.com/onccnews/
留言 0