周柏豪大批拖女錫面照曝光　網友嘆老婆大度咁都接受到

歌手周柏豪（Pakho）上周趁40歲生日，一連兩晚假澳門舉行生日粉絲見面會，人氣出眾全場爆滿。周柏豪近年亦展示顧家一面，成日陪太太同一對子女，係圈中出名嘅好老公，不過近日竟流出多張周柏豪同唔同索女嘅親密照，手拖手、攬攬、錫面乜都有，震驚一眾網友。其中一位低胸吊帶女仔仲同佢身貼身，手拖手二人身體又挨到實，親密程度似足情侶。

網友翻查發現，原來啲相係佢今次生日會嘅VIP門票粉絲福利合照，雖然係粉絲福利，但唔少網民都質疑粉絲嘅舉動過火：「人家有老婆了還十指緊扣～不會注意點分寸感」、「動作不合適吧」。不過有指周柏豪太太今次都有去澳門支持，令網民好奇太太佢啲合照會有咩感覺，仲大讚佢老婆夠晒大度，唔干涉老公工作。

東網網站 : https://on.cc/東網Facebook專頁 : https://www.facebook.com/onccnews/