勸交失敗！林欣彤遇家暴受傷

520，諧音「我愛你」。昨天5月20日本應是一個充滿愛的日子，但歌手林欣彤(Mag)的家中竟然發生家暴，Mag更因此而受傷！

Mag一向視愛犬如家人，昨日她的兩隻狗仔不知什麼原因打起上來，Mag就因為分開牠們搞到隻手受傷。Mag在社交網留言交代了事發經過：「今日下午兩隻狗狗打交，我破聲大叫都唔肯停，但太驚佢地(哋)真係受傷，我就叉左(咗)隻手落去分開佢哋，結果佢地(哋)冇事，冇受傷。」

Mag因勸交而受傷，她影低那隻受傷的手並將相片放上網，更話隻手嘅筋仍然好痛：「但我就痛到而(依)家啲筋好痛，連哩(呢)篇野(嘢)都係單手打，不過唔緊要啦⋯你哋冇事就好，520。」網友都睇到好肉赤同好心痛，更勸她搵醫生檢查一下，並叫她下次要小心啲添！