大埔商場鳥巢遭粗暴拆毀 幼雛當場喪命父母茫然不捨

大埔有商場強行拆毀假天花出風口的鳥巢並殺鳥。Facebook網民Suet Wa‎ 下午在商場目擊，管理處人員爬上木梯，用鏍絲批再駁長鐵線直搗鳥巢，築巢的樹枝及羽毛散滿一地，有雛鳥被丟墮地當場喪命身亡。事後雀鳥父母歸巢發現家園盡毀，在現場徘徊，似欲尋回鳥巢及幼雛，境況凄慘。
目擊事件的網民在群組「Tai Po 大埔」感到痛心，質疑「其實人類同大自然係咪真係唔可以共存，有人話做咩出面甘多樹都唔揀呀，但其實個雀巢係上面有咩問題？」，又指「我見到雀仔屍體，同雀鳥呀爸呀媽係附近飛來飛去，想搵返個巢同仔女時，真係覺得人類好自私」。
網民紛紛批評商場做法殘忍，認為可以小心移除鳥巢避免傷害雀鳥，怒罵「無人性」、「已經犯法喇，拉得」、「大埔鷺鳥林後又一滅門命案….」、「係咪都要安置好雀仔一家先？生命嚟嫁」。
根據第170章《野生動物保護條例》，任何人除按照特別許可證行事外，不得取去、移走、損害、銷毁或故意干擾任何受保護野生動物的巢或蛋。附表2列明，本港所有野生雀鳥均是受保護野生動物，違法者一經定罪，可被判罰款10萬及監禁1年。