人氣唱作歌手Tyson Yoshi係日本AV天后三上悠亞嘅Fans就人人皆知，早前佢先喺社交網嘅限時動態自爆買咗一堆日本女優閃卡，又勁Hyper晒命話抽到幾張女神卡！而呢個Lucky竟然可以延續，日前Tyson再出Post晒獲三上悠亞嘅戰利品，有咩開心得過收到女神嘅親筆簽名？就係收到女神親筆寫自己個名嘅海報，仲要畫埋個心心添！Tyson睇到呢個Surprise簡直心心眼咗，甚至開心到忍唔住連還爆粗！
既然咁開心就唔好畀佢停，見Tyson個貼心朋友留言話：「我朋友佢知你鍾意呢個女仔，今日佢叫日本同事拎嘅三上簽名，話要送畀你！佢話希望你練再大隻啲，除衫唱歌就得啦！」一向唱歌有舖除衫癮嘅Tyson收到女神嘅「聖旨」，可能即刻跑去Gym Room狂操！因為佢爆笑留言：「今晚應該瞓唔着！」此外，當然唔少得Tag番三上悠亞講「I love u」示愛，未知佢女友睇到有冇呷醋呢？
東網網站 : https://on.cc/東網Facebook專頁 : https://www.facebook.com/onccnews/
