藝人羅子溢早前為主演劇集《金式森林》返內地拍攝外景，且逗留了約兩個月。近日終於完成內地戲份，今日（28號）趕得及返港慶祝40歲生日，由於已多時未有「一家團聚」，子溢分配好時間「陪女」，他受訪時笑說﹕「噚晚我先同太太楊茜堯去咗睇郭富城尾場演唱會，踏入凌晨十二點仲喺後台『倒數』。今日我就去咗囡囡小珍珠學校嘅家長日嘞﹗」
談到慶祝活動，子溢表示﹕「都只係留喺屋企，同屋企人食飯同切蛋榚囉。（有乜驚喜？）囡囡親手整咗幅畫送俾我，我就準備咗個箱，將佢同細佬送俾我嘅禮物全部放入去，等佢哋大個可以睇番。（生日願望？）小朋友快高長大，一家人平平安安，而我就多勞多得啦。」
原來折返香港前，子溢獲《金》劇台前幕後幫他預祝生日﹕「嗰幾日拍緊我嘅主景，劇組就推出生日蛋榚，搞到我好感動。記得去年我就喺馬來西亞拍緊《家族榮耀之繼承者》，一樣係好多人同我慶祝，今年可謂『好事成雙』，希望年年生日都有工開、一樣咁熱鬧就好嘞。」而休息數天後，子溢便要復工拍《金》劇香港戲份，預算下月中才能正式煞科。
東網網站 : https://on.cc/東網Facebook專頁 : https://www.facebook.com/onccnews/
留言 0