叱咤2024｜陳卓賢奪唱作人及男歌手金獎　爆張敬軒贈獎鼓勵︰今晚攞返俾你

《叱咤樂壇頒獎禮2024》今晚（1/1）在亞洲國際博覽館舉行，今年唱作人金銀銅獎與叱咤男歌手金銀銅同屬三位歌手，所以刻意安排一同頒獎，而兩個獎項的金、銀、銅分別就是陳卓賢、馮允謙及林家謙。而陳卓賢(Ian)獲獎時，更爆出一個關於張敬軒給予鼓勵的小故事。

陳卓賢在台上發表得獎感受後，專登再多謝張敬軒先生，並講出一個關於這個男歌手獎的小故事。「2022年嘅時候，張生就拎咗男歌手金獎，然後有一晚佢打俾我，話有啲嘢俾你，我仲奇怪會畀咩我，跟住佢就俾咗嗰年嘅男歌手金獎我，佢就同我講個獎擺喺你屋企，我對你有信心，相信有一年你會攞到，我今晚就返屋企攞番俾你。」