1996年參選香港小姐選舉奪得冠軍的李珊珊，已經47歲。早年曾透露自己患上驚恐症，亦宣佈暫停更新平台退出幕前，不過早前她就復出直播，近日提到康復經歷，更加鼓勵同樣患有驚恐症的人嚐試行出來。
早於5年前，她為精神健康基金會拍攝宣傳片，首次公開承認患驚恐症。透露早於2017年已有情緒病，嚴重時會不停屙嘔、出汗甚至休克。
李珊珊去年10月正式復出，開設YouTube頻道「三坐山」，除了娛樂、靈異等題材，還想透過節目邀請醫生及專業人士提供意見及情緒病患者。而直至早前22日，她終於現身節目，和主持「竹節蟲」做直播，正式復出，她提到︰「我重投社會，係更生人士！」
珊珊說當時身心乏力，仍透過互聯網接觸世界，提到主持「竹節蟲」：「喺我好窄嘅日子裏面，你哋陪伴咗我一段好長嘅路。」李珊珊現時仍服藥，但比起高峰期已少了80%：「我形容自己入面有隻小黑狗，平日好乖，但遇到壓力或其他因素會變狼狗，所以仍要食藥。」她提到情緒病患者最重要是見醫生，不要放棄。
她亦提到有患病很抗拒服情緒病藥物，因為可能出現迷糊狀態，但她認為要跟醫生溝通，可和醫生商量是否轉藥或改劑量。
更指現實中每七個人就有一個有情緒病：「睇落去我得到呢個病，係一件唔值得高興嘅事，但從另一角度，現實每七個人就有一個有情緒病，我發現好多患者對呢方面知識仍然好薄弱，同埋好無助，所以我好希望主持一個節目，提供呢方面資訊……點解今次珊珊可以大爆發，可以行返出嚟社會，我就係好想畀同一經歷嘅人睇到係點。一個原本唔敢行出門口嘅人，係點樣行到出門口係好緊要，我知道要行出門嘅可怕有幾咁可怕，如果拍出嚟，令你有勇氣行出門按𨋢掣，行落去平台行下都好。」
珊珊會用說話激勵自己︰「同自己講，覺得差唔多時候，其實都係自我救贖，不過都波折重重，唔係一帆風順。有時行一步又被拉後兩步。所以好想分享，我點樣由行出門口，到可以成立呢個台，希望幫到大家。有困難時候，我唔需要你做到啲咩，只想你行出門口，你已經贏咗。」
至於外形樣貌變化，珊珊說：「大家唔需要再去估，或諗李珊珊以前點樣、身形係點。而家大家見到我，我活到今年48歲，生肖屬蛇，今年犯太歲，呢個就係我人生階段。若大家懷念以前嘅李珊珊，可以上網搵返啲相懷念。好開心而家可以行出街拍節目。」