英男食韓國公仔麵辣到耳鳴 第二日醒來驚覺失去聽力

冬天想食辣溫暖自己是人之常情，近日一名英國男子因為見到YouTuber一次過食15碗韓國公仔麵，自己都跟著挑戰，誰知食半碗就開始出現耳鳴，第二日醒來更驚覺失去聽力！

延伸閱讀：巨無霸走牛肉、雙層芝士孖堡走包 英國人封城太悶叫外賣亂加古怪要求

在英國生活的Reemul Balla稱自己來自毛里裘斯，從小開始食辣，雪櫃入面至少有10種不同的辣調味料，包括辣粉、辣醬、辣椒等，同時亦喜愛食香辣公仔麵。有次見到知名YouTuber Matt Stonie一次過食15包韓國三養辣雞麵就馬上在Amazon搜尋，更網購兩倍的辣辣雞麵挑戰。

一試覺得味道十分香濃很惹味，但原來這只是地獄的開始，辣味侵襲讓他的牙齒麻痺，即刻食未有沾上湯汁的雞蛋，但未有減輕口腔內的辣味，最後食到半碗就放棄，因為手腳開始麻痺，特別是手指，身體及臉感覺到十分滾燙。

第二日他觸摸左耳時都會劇疼，痛的感覺隨著時間更加嚴重，只要打開口就會痛，他嘗試滴橄欖油減輕痛楚但完全無用，整個週末左耳失去聽力，只有耳鳴的聲音。他上網發現其他人都曾經試過辣到耳鳴，應該只是暫時性的。幸好他在三日之後耳鳴情況完全消失，聽力恢復正常。Reemul Balla表示已經知道自己的極限，試過「人生最辣的湯」，以後不敢再嘗試了。

來源：MyLondon

延伸閱讀：細數韓國7大消失的景點 下次到韓國旅行或已不一樣！