森美經歷了在大阪被酒店臨時取消訂房，險要與老婆瞓街事件後，今晨（15日）已返商台開咪主持《早霸王》。昨晚（14日）森美偕妻返港，他返到屋企前在Ig貼片，他先感激所有嘗試打救他的人：「凡事向好嗰邊諗，有經歷先好嘅，總之下次大家都要小心啲，做足準備先去旅行，就算confirm咗機票同酒店都不妨Send個email Double confirm，不過今次成個旅程買機票買酒店到行程，都有太太負責，我本身冇過問，淨係享受，其實佢已經做得好好㗎啦，所以都感激佢！感恩，行街同喺機場同飛機上面都好多香港人關心，再次多謝，做電台節目再分享呀！」
（即時娛樂）
留言 0