前日（3日）是草蜢成員蔡一智的60歲生日，他在圈中一向人緣極佳，日前舉辦盛大生日派對，不少星級好友包括古天樂、古巨基、張智霖、袁詠儀、容祖兒、蔡卓妍、周勵淇、關智斌等等出席賀壽，場面星光熠熠。另一邊廂，蔡一智亦獲發哥周潤發領軍的跑友們送生日歌兼一起唱生日歌，可謂群星拱照他正式「登六」。
蔡一智在圈中人緣甚佳，昨日（4日）他在IG貼上跑友們為他慶祝的大合照，其中發哥慣例親自操刀影自拍照，還開金口一齊唱生日歌，而經常孖住發哥一齊跑步的視后唐詩詠亦有現身。阿智興奮寫道：「多謝發哥和一班跑友為我預備的生日驚喜，#慶生跑 #新年第一跑15k #跑完食大餐 #還有生日疍糕 #真的慶生飽 #這個生日真的發發發 #步步高陞 #祝各跑友越跑越有 #快樂幸福 #thankyoueveryone」
同時，今日（5日）不少圈中好友亦分享了蔡一智日前舉辦的生日會大合照，出席者包括阿Sa蔡卓妍、容祖兒、關智斌、古天樂、周勵淇等，還有古天樂企正C位派心心。不過，從多張相片中看來，剛切除腦瘤的弟弟蔡一傑目前在休養中，未有現身派對中，而草蜢另一成員蘇志威亦有到場。
蔡卓妍分享多張相片，並講述自己與蔡一智的深厚淵源。「同阿智嘅緣份，係我六歲嘅時候，嗰陣時我老竇正職係一個設計師，副業就幫一間娛樂公司負責香港歌手海外登台。我第一次見到明星，就係草蜢同彭羚，因為太細個所以好多片段都唔記得喇。時間一轉就去到Twins第一個演唱會，我哋嗰陣時出道唔夠一年公司就幫我哋開演唱會，夾夾埋埋得六隻歌，咁公司就諗住搵啲勁嘅前輩歌手幫我哋撐場，其中一個就係草蜢！我諗住佢哋都唔會記得我啦，點知喺Rehearsal嘅時候，一嚟到見到我媽咪，就即刻同我媽咪打招呼話好耐冇見。嘩！過咁耐佢都仲記得，我媽咪即刻冧咗！」
留言 0