上回講到雲浩影揀歌有什麼喜好。我們坐在寰亞辦公室傾新歌，訪談間，她忽然說：「其實我每次聽完 demo，揀好這首歌去做，真係落實做這首歌，入錄音室，一開始唱 Day 1 頭一個 session，我都會有點自我懷疑，到底揀這首歌啱唔啱呢？甚至〈回憶半分鐘〉都係，第一個 session，死啦，我唱唔好呢首歌，真係浪費咗呢首歌。」
她最初擔心自己唱得不好，唱不到歌曲本來的感覺，然後她問公司同事：「點算呀？我唱唔到，公司一開始都會擔心，去到而家，佢哋話你次次都係咁，你繼續唱啦！我就繼續唱下去。」
由於〈回憶半分鐘〉是她第一首 chorus 有那麼多氣聲的歌，加上副歌沒有爆高音、很激烈的元素，「我會擔心這首歌會不會太平淡呢？會不會聽完就過咗呢？我做的時候，不斷有很多問題問自己。」
不只〈回憶半分鐘〉，每次做歌，Cloud 都會經歷這樣的過程 — 不斷自我懷疑，不斷繼續做，這是她正在學習的事。「當我同熟悉的監製合作時，呢樣嘢（自我懷疑）就會小啲，譬如我同蘇道哲做〈回憶半分鐘〉，我都有同佢講，我擔心唱唔到，佢會安慰我 Day 1 啫，你繼續啦，唱咗先。」
Cloud 似乎是個時常懷疑自己的人，「我諗好多嘢，可能對自己不太肯定，可能完美主義，好想那件事做得好，但遲遲唔夠膽做，或者我幻想的那件事係好好，如果我覺得自己做唔到咁好，不如不要做了，但其實這是一個不好的想法，應該要做咗先，無論夠不夠好。特別是音樂，沒有夠好呢樣嘢，所以今年不斷做。」（節錄）
▼ Text & Interview by Music Ten 本地音樂網站
▼ 人物專訪：雲浩影
想睇更多音樂報道：follow Instagram ＠musictenhk
https://www.instagram.com/musictenhk
原文刊於音樂網站：music-ten.com
留言 0