藝人謝安琪近日孖老公張繼聰及一對子女到了外地旅行及跨年，謝安琪在社交網上載倒數片段，相中一家四口襯到絕，均以全白色上陣，由張繼聰負責用手機拍片，囝囝拿着電話的時鐘倒數，不過謝安琪倒數時由5直接跳到3，肉眼可見勁緊張，可愛又搞笑，相反張繼聰由始至終都非常淡定，手機全程揸得勁穩，完全沒有問手抖，她寫道：「第一次帶住小朋友喺海外倒數迎接新年，唔知點解會有啲緊張，緊張到倒數都數錯埋，不過真係好開心，感覺好新鮮。祝大家2025年有一個好嘅開始，無論世界係點樣，永遠有愛你嘅人陪伴喺你身邊，無論天氣點樣，心情都係晴天，我愛你們呀！」
東網網站 : https://on.cc/東網Facebook專頁 : https://www.facebook.com/onccnews/
留言 0