藝人朱晨麗（朱朱）早前返內地拍攝家族倫理劇《歸棹》，該劇今日（24號）正式在影視平台上架，談到拍攝時的軼事，朱朱開心回應：「同內地演員馬柏全及張康樂等合作，我演佢哋嘅姑姑。雖然輩份好似好高咁，但我同佢哋都好傾得埋，尤其私底下玩得好開心，互開玩笑。（同小鮮肉合作喎。）佢兩個年紀係好輕，不過演出經驗其實好豐富㗎。」她又指與「家人們」建立出不錯的友誼，至今一眾演員還保持緊密聯繫。
而其中一場戲描述朱朱要騎「綿羊仔」，她憶述：「我對呢樣嘢完全唔識，惟有喺入夜時由工作人員陪同下去練車，由一窮不通到成成功解鎖，依家多咗一個技能傍人喇，哈哈！」由於今次全普通話對白，朱朱直言開拍初期也有點不習慣﹕「因為要講啲好貼地及生活化嘅語句，我惟有快速咁進入適應期啦，都順利過關嘅。依家每次演戲、同唔同嘅人合作，我都會當自己喺度學緊嘢，增值自己囉。」
東網網站 : https://on.cc/東網Facebook專頁 : https://www.facebook.com/onccnews/
留言 0