《萬千星輝頒獎典禮2024》的「最佳劇集」，由「宇宙最強」甄子丹負責頒獎，結果由《反黑英雄》奪得，該劇的張振朗﹑林景程和傅嘉莉同時獲頒雙料視帝﹑最佳男配角及女配角，合共奪5個獎，成為大贏家。
甄子丹頒獎前說：「獲獎﹑得獎及提名都好，要恭喜佢哋，每個人都有獨特魅力，用好多時間打造深入民心角色，你哋喺我心目中好有實力藝術家，好期待未來你哋更精彩作品。好耐冇返嚟TVB，今日我個女21歲生日，抽少少水，Happy Birthday﹗」
甄子丹表示30幾年前拍TVB劇，他說：「作為一個藝人，需要幾多天賦及努力，仲有劇本﹑機會及機遇，樣樣都不可缺，如果你聽到有人講：『點解喺TVB做嘢，TVB好辛苦，係好戇居。』你可以大聲講，你哋偶像周潤發，劉德華﹑梁朝偉﹑黃子華﹑周星馳，邊個唔係喺TVB嚟及喺TVB大家庭訓練出嚟？TVB係好多人嘅起點及情懷及童年回憶，睇劇集係唔會OUT，好劇好有報，補充一句，視帝視后有冇加人工，我代佢哋講，除咗個獎，有冇加人工？」
（即時娛樂）
留言 0