馮素波（波姐）早前與黃澤鋒、李文標演出HOY TV劇集《我愛九龍城》，稱能再與陳家樂合作很開心。她說︰「我睇住呢班小朋友大，好似家樂仔咁，以前表現比較緊張，依家就大個仔喇，仲同我講做咗爸爸，生咗個女。我覺得佢成個人好似唔同咗，開咗竅，以前成日都匿埋一邊唔講嘢，好怕事好驚得罪人咁，依家唔同晒﹗」
陳家樂自覺沒什麼改變︰「可能以前自己唔敢同啲唔熟嘅前輩傾偈，近兩年如果遇到其他演員，我都會盡量傾吓偈，因為唔知幾時可以再合作，而且做咗爸爸之後，好多人都會過嚟恭喜我，咁就好容易打開話題。 」久未拍劇的黃澤鋒飾演「街市佬」，與另一檔主李文標持刀對峙。黃澤鋒說︰「新鮮感十足﹗我以前一向演開嘅都係律師之類，今次做街市佬真係好正! 我覺得依家拍電視劇好有電影感，好享受做演員嘅感覺，總之就係好開心啦﹗」
（即時娛樂）
留言 0