劉小慧、許秋怡及李國祥3位幾十年老友，下月聚首廣州舉行一場《粵唱越開心》演唱會，昨晚（15日）相約飯聚，劉小慧老公蘇志威及長女蘇君蕎（Yumi） ，以及許秋怡老公王書麒及20歲兒子王綽枬（Cody）亦有出席，但兩位星二代表明未有闖娛樂圈念頭，Yumi直言唱歌只是興趣，做甜品師才是理想；Cody還有1年才大學畢業，讀完書才再決定。
劉小慧表示今次是自婚後，相隔27年再踏舞台，直言很大壓力，因為是李國祥公司邀請才答應，她說：「感覺係『淆底』，因為好耐冇唱，覺得自己唱歌唔係好掂，如果掂就唔會咁早嫁人，不過早前去西雙版納旅行，發覺很多人唔識廣東話，但聽90年代廣東歌，喺西安聽到有啲20幾歲後生仔聽我嘅歌，好開心，打咗支強心針，如果唔係都唔太好意思出返嚟唱歌。」
許秋怡透露會表演跳唱，直言恨了很久，十分期待過跳舞癮，問長期受坐骨神經痛困擾曾行路也有問題怎跳唱？她說：「以前為工作長期舟車勞頓，以及坐姿唔好而有呢個痛症，可以服止痛藥頂住，醫生話可以做手術，但有一半機會手術失敗就會癱。」
（即時娛樂）
留言 0