因逃稅風波遭內地封殺嘅女星范冰冰，雖然喺內地禁封無期，不過人氣紅遍全球各地嘅佢，亦相當積極咁周圍飛吸金，而日前去咗巴黎參加多個品牌騷嘅佢，則以一身白色露肩毛毛魚尾裙華麗登場，大晒弗到漏嘅零贅肉身材及白滑長腿，艷壓全場嘅女神氣場更係搶盡眼球，現場嘅攝影師更係忍唔住爭住瘋狂影相。
然而，隨着范冰冰呢一輯靚相曝光，亦引嚟唔少網友留言指佢似行走的雞毛掃：「禮服好像雞毛毽子。」、「姊這一身是設計師在害嗎？」、「哇這啥，人體毽子。」、「禮服不太適位。」；此外，亦有網友力撐范冰冰呢套造型相當符合「國際范」嘅稱號，表示范冰冰每次出席公開活動嘅造型都令人眼前一亮，亦令佢屢屢登上各大版面。
東網網站 : https://on.cc/東網Facebook專頁 : https://www.facebook.com/onccnews/
留言 0