內地影帝黃曉明早前高調認愛女友紅葉珂，令葉珂討論度急升，雖然女友黑歷史成層樓咁高，更被爆料疑似係「名媛培訓班」一員，被質疑埋黃曉明身係別有用心。不過黃曉明用情極深，尋日（29日）佢現身山東青島老家參加喜劇節，巨星現身即引哄動，被包圍簽名時，黃曉明就被發現右手中指戴咗勁大隻鑽戒，滿面春風咁簽足全程，早前少有戴咁顯眼飾物嘅佢，即被指係公開放閃，因為男士右手中指戴戒指係表示「名草有主」，唔怪得「#黃曉明中指戴鑽戒#」直登熱搜冠軍。
同時，葉珂亦日日現身熱搜，今次佢就開Live自稱係「虐戀型人格」，要對方為自己落淚、發嬲、失去常態，佢先會信對方係真心愛佢，似暗示黃曉明愛自己愛到上晒腦：「每一個跟我談過戀愛的都愛過我，我喜歡黏人，但是我又怕對方發現，我就得忍一忍。我談戀愛的時候無法搞事業，就是因為我談戀愛時候，愛到會互相流淚那種，我是虐戀型，我談的對象都虐戀，我是個虐戀型人格，我覺得愛情就是當這個人開始為了我流下真摯的眼淚，因我而怒，因我而失去常態，我方確信這是真愛。」
東網網站 : https://on.cc/東網Facebook專頁 : https://www.facebook.com/onccnews/
留言 0