【博見報？】候選港姐陳苑澄挑戰Kiki challenge 遭網民鬧爆

應屆準港姐兼前組合As One成員陳苑澄，昨天在社交平台，上載一條挑戰kiki challenge的落車跳舞熱潮短片。

片中騷纖腰露腿的陳苑澄，先對住鏡頭派心心，然後她開始郁身郁勢，跟住她順著洗腦歌《In My Feelings》的拍子下車，陳苑澄落地後，在行人路上跳舞，速度則跟住慢駛中的私家車車速，而司機位放置攝錄機，期間陳苑澄失驚無神伸手入車廂取彩帶，然後又大模廝樣繼續跳，跳完後，她卻將彩帶掉落地，然後急急腳再跳上行駛中的車，上車後她亦沒有立即扣上安全帶，而是對住鏡頭擺可愛表情。

不少網民留言指她此行為相當危險，又指她是否博見報，亦有網民指她亂丟垃圾。另外，藝人何浩文上月底曾在facebook寫道：「kikichallenge完全唔應該玩 尤其係藝人 唔係潮流就一定要跟 要玩都唔一定要玩危險嘢 以為玩完自己冇事就OK 有冇諗過會唔會影響到啲年輕人 有人發生意外你就變成殺咗佢嘅一份子 #各位藝人用吓腦好嘛」

（即時娛樂）