由古天樂執行監製兼主演，投資港幣4.5億的香港科幻巨製《明日戰記》，8月初內地率先上畫。在大家高度期待下，竟沒有帶來亮麗的票房成績，個多星期都只收3億左右（截至昨日已收4.3億人民幣），隨即出現票房告急、古生在網上直播流淚、香港人要撐等話題。
是否因擔心蝕錢而喊？古生已經澄清了，只是現場談及戲中情節一時感觸，但香港人要撐倒是真的。昨日（19/8）起連續三日，《明日戰記》在香港率先放映優先場，可能套戲講足4年有多，大家都萬分期待，優先場反應熱烈一片紅海告爆滿。有人指不是感情勒索，但到底這部驚世大作是含淚支持，還是值得大家義無反顧入場？
以下內容含少量劇透
先講電影的特技，實在令人耳目一部，當然大家絕不可用荷里活級數作指標，但以亞洲區水平計，絕對交足功課，視覺令人震撼。全片的特技場面比預期多，而且不是簡單的虛擬畫面，而是大型戰事。首先在醫院內遇上疑似蝗蟲變種的外星生物，數量眾多但就只得3人應戰，整場戲氣氛營造一流，帶觀眾投入當中，而外星生物行動之快，外型相貌的可怕，已初見CG的功架不俗。
中段一場廢墟搜索，要以戰甲在當中跳躍行動，又是一場耀目的設計，鏡頭以觀眾作第一身視角，跟隨古天樂與劉青雲躍動，感覺是戲院大銀幕下打機一樣，如果這場以3D IMAX呈現，相信又會有另一份刺激。
當然最能感受特技功力的，必然是壓軸與敵方掀起的公路大戰，這場戰事鏡頭之快，是令人刮目相看，成功以CG帶動緊張氣氛，而且以香港公路作藍本的設計，已贏得一份親切感，令觀眾有如置身東區走廊或土瓜灣一帶，日常生活地頓變成戰場，不禁讚嘆特技設計上的用心，這無疑是對香港以外人士，未有太大感覺的原因。
《明日戰記》在內地排片量偏低影響票房，有指是因為觀眾覺得劇情簡單，未能滿足。看過電影，劇情是刻意簡化的，忠奸分明沒有出賣變節陰謀等鋪設，人物性格亦未有深刻描繪，不過這又正正是劇組希望做到單向地欣賞特技出發，沒有外來紛擾，純純粹粹地看。或許是低估了觀眾的要求，但目標明確而且實實在在成功做到，這是《明日戰記》或是古天樂，最令人欣賞地方。
撰文︰余建
Facebook專頁︰https://www.facebook.com/Stupid.View
留言 13
DS
會支持的👏👏👏
2022年08月20日05:33
弘歷
以今時今日香港咁嘅電影市道，仲有香港人願意用幾年投資幾億去拍套戲比人睇，已經超乎想像，而能夠吸引比較多戲迷願意比錢入戲院睇嘅，呢種電腦特技片種一定係首選，因為嗰D話係電腦或者係屋企睇免費老番嘅，絕對感受唔到戲院音效帶嚟嘅震撼感，另外有人話故事簡單，老實講，大多數呢類型特效片都係故事比較單一，基本上開場5分鐘就能夠估到故事大概結尾，就算經典嘅亞凡達或者侏羅紀都係，佢地賣嘅唔係故事有幾咁引人入勝，而係在戲中比D你估唔到嘅畫面你睇，唔通你覺得亞凡達呢種改編自白人入侵美洲時殺紅番嘅太空版，或者幾條恐龍走嚟走去嘅故事就好唔簡單，估佢唔到果結局點發展？但當時票房就話左比大家知，故事結構簡單唔緊要，最緊要係有無比到D無睇過嘅嘢大家睇。
雖然套戲我仲未睇，亦唔知有無比到呢D無睇過嘅嘢我睇，但我會選擇入戲院睇，就因為佢係使左幾億嘅特效片，就值得我入場睇。
2022年08月20日16:00
Esther
古生錯在請劉十0做女主角！
2022年08月20日11:48
STANLEYスタンリー
其實係合拍片….
2022年08月20日12:28
煜
拍得唔好，可以改善
但係最怕一沉百踏
我依舊果番說話
當年你可以賴盜版
而家呢？？入哂製作團隊數好容易
畢竟我地係消費者，把口的確大哂
咁人地咪唔同你地玩囉
但係就唔好再講咩文化性入侵啦
呢D野係我地揀造成
2022年08月20日13:19
顯示全部