大S自爆拒演王大陸媽媽：不覺得太誇張嗎？

台劇《影后》播出至今成績斐然，其中由「八點檔女神」曾莞婷出演嘅「潘茵茵」一角，更係將女演員嘅心酸演繹得淋漓盡致，而喺劇中唔肯接演母親角色嘅性格，更被網友發現角色原形疑似係大S（徐熙媛），甚至翻出當年大S喺節目上感嘆「沒有戲可演」嘅片段。

大S曾喺2019年同細妹小S（徐熙娣）出演內地綜藝節目《我們是真正的朋友》，其中一集中，大S感慨道：「外表只是皮囊。」引嚟小S反駁道：「那你為甚麼要減肥？」大S解釋減肥係為咗健康及工作，未料小S則回道：「也可以做個很會演戲的胖子呀！」令大S忍唔住怒回道：「你有病呀！」並感嘆道：「我就沒有戲演啦，他們都是找我去演誰的媽媽、誰的媽媽，最大的是去演王大陸的媽媽耶！你不覺得太誇張嗎？」對此，小S亦安慰道：「我跟你講，真正的演員你不該有這種想法，你知道很多媽媽都得獎耶！」

東網網站 : https://on.cc/東網Facebook專頁 : https://www.facebook.com/onccnews/