香港正積極發展體育業，體育、演藝、文化及出版界立法會議員霍啟剛帶同太太郭晶晶，同國家羽毛球名將林丹見面，仲探討喺香港引入「林丹盃」喎。
霍啟剛喺社交網站分享，噚日同一班香港嘅小學生去深圳南山區林丹謝杏芳國際羽毛球交流中心交流，「超級丹」林丹仲專程由福建廈門搭高鐵嚟見面。霍啟剛提到交流中心除咗係羽毛球比賽訓練場地，亦係林丹「IP」(個人品牌形象)嘅孵化基地，入面有林丹咖啡室，亦有林丹嘅生活品牌。霍啟剛覺得要做好體育產業化發展，除咗要有場地資源等硬件，明星運動員「IP」有好大作用。
探討在港引入「林丹盃」及「天王盃」
交流過程入面，霍啟剛同林丹探討喺香港引入佢嘅兩項賽事「IP」，分別係「林丹盃」同埋「天王盃」嘅可能性，佢希望未來國家隊世界冠軍嘅「IP」可以落戶香港，促進香港體育發展，亦善用香港呢個國際平台，推動「IP」邁向國際。
原文刊登於 AM730
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)